Oscar Danielsson

Velkommen til konsert med Oscar Danielson

Noregsvenn- og i tilfellet Oscar Danielson kan ein trygt slå fast at den sympatiske svensken er ein av dei aller beste venene vi har!

Oscar Danielson er sin eigen sjanger, og av mange rekna som Sveriges beste tekstforfattar. Etter albumet «Stockholm i mitt hjärta» (2011) med låta «Besvärjelse» har han fått eit stadig større publikum og turnert flittig i heile Skandinavia.

I november 2014 varma han opp for Bjørn Eidsvåg i eit fullsett Oslo Spektrum, og det er langt mellom dei gongene 9000 menneske er så lutter øyre som då. Kort tid etter opptrådde han på NRKs «Lindmo», og igjen både begeistra og fascinerte Danielsons låtunivers det norske folket.

No kjem den Stockholm-fødde 49-åringen tilbake til oss med eit show som framkallar latter så vel som tårer. Temaet er – sjølvsagt – kvinner. Det er songar om kjærleik, fulle av alvor og djupt menneskelege observasjonar, krydra med humoren som er Oscars kjenneteikn.

Eva Weel Skram og Stein Thorleif Bjella har gjort ein versjon av Oscars låt «Besvärjelse» med norsk tekst, «Vi lover».

Opplevingspakkar

Du kan velja mellom ulike opplevingspakkar - lettvint og kjekt.

• Konsert
• Konsert og 3-rettars middag i Ridderstuen (underetasjen til Riddersalen) ca. 15 minuttar etter konserten, inkludert inngong i hagen på konsertdag.
• Konsert, 3-rettars middag i Ridderstuen (underetasjen til Riddersalen) ca. 15 minuttar etter konserten, og overnatting med frukost på Avlgården Baroniet Rosendal (dei fleste romma har vask, delt dusj og toalett er på gangen) inkludert inngong i hagen på konsertdag.

Du får billettane på tekstmelding og epost med ein QR-kode som du berre kan visa fram på mobil eller ei utskrift ved inngongen. Selde billettar vert ikkje refunderte.

Arrangementet foregår i Riddersalen, på idylliske Avlsgarden som er ein del av Baroniet Rosendal

Hjarteleg velkommen til konsert!