Historisk seminar - Kvinnene på Rosendal
Kvinnene på Rosendal – Foredrag laurdag 14. juni
Bli med på ei spennande reise gjennom historia laurdag 14. juni, når Baroniet Rosendal inviterer til ein innhaldsrik dag med temaet Kvinnene på Rosendal. Her får du høyra om sterke kvinner som har sett sitt preg på historia, fortalt av leiande ekspertar på feltet.
Professor ved Universitetet i Oslo, Jørn Øyrehagen Sunde, vil ta oss med tilbake til 1680-talet og fortelja historia om Catharina Justina Rosenkrantz, som stod bak eit spektakulært giftmordforsøk på kongens slott i København. Foredraget Livsfarleg sjalusi gir eit fascinerande innblikk i drama og maktkamp ved hoffet.
Professor i middelalderhistorie ved NTNU, Randi Bjørshol Wærdahl, vil dykke ned i livet til den eventyrlege Magrethe Olavsdatter til Hatteberg på 1500-talet. Ho tilhøyrde den aristokratiske tradisjonen som eksisterte før Baroniet Rosendal vart oppretta. I foredraget En kvinne av sin tid. Jomfru Magdalena Olavsdotter til Hatteberg får vi høyra om korleis kvinner levde og virka i denne perioden.
Ph.d. Pernille Ulla Knudsen, studielektor ved Det juridiske fakultetet ved Københavns Universitet, vil presentere den dramatiske og tragiske historia om Rigborg Brockenhuus og Fredrik Rosenkrantz. Deira skjebne er tett knytt til byrjinga på Rosenkrantz-familien si tilknyting til Rosendal. Foredraget Tiden læger alle sår og følgene af en højadelig affære i 1600-tallet gir eit innblikk i kjærleik, tap og konsekvensar i adelen si verd.
Dette blir ein unik sjanse til å læra meir om kvinner som forma historia og fekk varige spor i Rosendal si historie.
Sikre deg billett i dag og bli med på ei fascinerande oppleving fylt med intriger, maktspel og sterke kvinneforteljingar!
Program for dagen:
11.30-12.00 Kaffi og registrering
12.00-12.15 Velkomen
12.15-13.15 Randi Bjørshol Wærdah: En kvinne av sin tid. Jomfru Magdalena Olavsdotter til Hatteberg.
13.15-14.15 Pernille Ulla Knudsen: Tiden læger alle sår og følgerne af en højadelig affære i 1600-tallet.
14.15-15.00 Lunsj
15.00-16.00 Jørn Øyrehagen Sunde: Livsfarleg sjalusi
Billettar blir tilsendt på tekstmelding og epost. Billett med QR-kode visast fram på mobil ved inngong, eller eventuelt på utprinta ark om ein føretrekk det. Selde billettar vert ikkje refunderte.
Hjarteleg velkommen til historisk seminar!
Ansvarsfraskrivelse
Arrangør forbeholder seg retten til å utsette eller endre tidspunkt for avvikling av arrangement ved uforutsatte hendelser som ikke kan avverges, f.eks. brann, krigsutbrudd, naturkatastrofe, streik, pandemi, offentligrettslige påbud o.l. Arrangør forbeholder seg også retten til å endre oppsatt innhold for avvikling av arrangement så som endring av artist, spiller o.l.